今晚卡塔爾超級聯賽，艾華卡拉主場迎戰艾杜哈尼，兩支球隊近期同樣陷入低谷，上季亞軍艾杜哈尼近6場比賽只得1勝，而且仲出現入球荒；主隊艾華卡拉鋒力薄弱，更有靈魂人物缺陣，想入波有難度，3.5球嘅入球細開出機會高。

（周四晚10時30分開賽）文:工廠仔

艾杜哈尼陣容鼎盛，中場有意大利球星馬高華拉堤壓陣，不過波蘭射手比亞迪克近期腳風麻麻，對上5場賽事只係入過1球，另一西班牙前鋒路爾斯阿拔圖亦連續4場「食白果」。艾杜哈尼上場被艾沙哈尼亞悶和0比0，係近6場比賽第4次「窿對窿」，而且6場總入球全開3球或以下。

咸迪法菲要踢太公波
艾華卡拉今季聯賽入球數字係第3少，最近3場聯賽都零入球，只有1和2負成績，2場輸波都係輸0比1。佢哋最大問題係核心咸迪法菲正為埃及踢非國盃，令球隊攻守效率大為削弱。睇番艾華卡拉近5次對艾杜哈尼，4次總入球開3球或以下，一於再追3.5球嘅入球細。