今晚英超頭場，阿士東維拉主場迎戰諾定咸森林，雖然維拉上仗作客大敗於阿仙奴腳下，但整體表現並非太差，相信可以迅速反彈，特別係近10次主場獲得全勝，水準靠得住，勢必把握地利優勢強攻爭勝。反觀，森林遭遇3連敗，陷入降班危機，形勢高下立見，一於直取阿士東維拉主勝。

（Now 621周六晚上8時30分直播）文:Mic少

維拉早前一度各項賽事11連勝，直至上場不敵阿仙奴，先至斷纜，該仗上半場雙方拉成均勢，維拉下半場突然崩潰，的確比較令人意外。幸好維拉主帥艾美利教波功力深厚，吸取教訓後，應該可以作出針對性部署，避免重蹈覆轍。事實上，維拉整體狀態仍處於高峰，尤其係射手奧尼屈堅斯腳風非常順，要攻入森林大門，機會甚高。

森林3連敗頹爆
至於諾定咸森林已經跌至第17位，淪為護級分子，並且頹勢未止，近3場英超全敗，包括不敵兩支中游球隊富咸、愛華頓，今仗遇上第3位爭標勁旅維拉，形勢更加唔樂觀。再睇埋森林近3次作客維拉都輸波而回，恐怕難逃再敗。