西甲上演「巴塞隆拿打吡戰」，愛斯賓奴主場對巴塞隆拿。「1哥」巴塞隆拿各項賽事7連勝，當中6場贏對手2球或以上，聖誕假期小休過後將會更醒神；愛斯賓奴今季脫胎換骨，聯賽5連勝，但只屬虛火，面對巴塞排山倒海攻勢就會現形，巴塞讓1球、球半合理，上盤值博。

（Now 632周日凌晨4時直播）文:邪神

巴塞現時領先宿敵皇家馬德里4分，失分空間有限，聯賽場場去盡，經過聖誕假期，兩位傷兵柏迪同丹尼爾奧莫傷愈，連同早前已歸隊嘅朗奴阿拿奧祖，主帥費歷克手上有更多兵源調動，預計會比假期前有更佳表現。

前鋒費倫托利斯各項賽事交出13球1助攻，已取代羅拔利雲度夫斯基正選中鋒位置，不過「羅拔佬」仍有8球1助攻數據，仲有拉明耶馬、拉芬夏比洛尼、費明盧比斯、拉舒福特等攻擊好手，巴塞每場基本上都係撳住對手嚟攻，贏波之餘，好多時要入埋「保險球」先會收手，所以佢哋多數贏2球或以上。

愛斯賓奴唔齊腳難靠
愛斯賓奴近況確實唔錯，今季已經攞到33分，比佢哋大前季降班時嘅37分只係少4分，已經算「護級成功」，而且佢哋近期勝仗全部小勝1球，唔排除有「偷雞」成分，加上主力查理斯比基爾代表剛果民主共和國出戰非國盃，人腳唔齊下今場唔夠砌，輸波無可避免。