澳職獨腳戲，FC麥克阿瑟對奧克蘭FC。FC麥克阿瑟近6場4勝2和，球隊保持不俗狀態，「1哥」奧克蘭FC相對有啲飄忽，近6場3勝1和2負，勝率只得5成，今場作客要讓波有啲擇使，FC麥克阿瑟讓球主勝（+1）抵玩。（無綫myTV SUPER周一下午4時直播）文:渡邊年

FC麥克阿瑟近6場4勝2和，包括近4場聯賽搶10分，雖然排第4，但其實落後奧克蘭FC僅僅兩分，今場贏波全取3分，更可以壓過對手、FC悉尼及布里斯班獅吼上榜首。

奧克蘭防線曳頻失波
FC麥克阿瑟近期入球能力大幅改善，近5場全部有波入，包括「拆禮物日」同紐卡素噴射機上演瘋狂入球騷，憑盧克維卡利補時射入絕殺波，作客以5比4取勝，球隊士氣大振。

奧克蘭FC表現有啲飄忽，上場1比3不敵紐卡素噴射機，球隊最大問題係防守不穩，近8場只有1場能夠保持不失，只要前鋒線啞火，火燒後欄之下就好難再搶到分，今場作客狀態火熱嘅FC麥克阿瑟，相信好難全取3分，讓球主勝好路。