沙特職：吉達艾阿里慳住用捱細界

返回开启护眼

沙特職：吉達艾阿里慳住用捱細界_東方日報

来源：网络时间-12-30

今晚沙特職頭場直播，上場爆冷輸波嘅吉達艾阿里，返主場迎戰艾費哈。吉達艾阿里有多名主將被徵召踢非國盃，實力大減，有限人腳下要慳住用，今場即使贏波都唔會大勝；艾費哈攻弱守強，作客環境更加唔會亂嚟，肯定死守博攞1分算數，2.5球入球細玩得過。（on.cc東網周二晚11時30分直播）文:渡邊年

吉達艾阿里上輪作客弱旅艾法特，喺領先1球下竟然被連下兩城，結果反負1比2倒灶輸波，可見球隊受非國盃影響頗為嚴重，喺塞內加爾門將艾度亞文迪、阿爾及利亞翼鋒馬列斯及科特迪瓦中場基斯爾入選所屬國家隊缺陣下，吉達艾阿里呢段時期人腳受影響，只能盡量減少損失。

艾費哈作客博１分
艾費哈上輪0比0悶和艾哈森，聯賽重開即有分落袋，對士氣有一定幫助，不過球隊作客唔叻，近2場作客全敗，而且進攻能力差，聯賽10戰只入得11粒，因此今場必定加強防守，今晚入球唔會太多，入球細屬投注首選。

上一篇: 英超：維拉信心爆棚讓客秤仙_東方日報

下一篇: 沙特職：挾10連勝走勢繼續衝艾納斯高質半大伊絲執_東方日報