長假期尾聲，澳職同女子澳職上演「雙料娛樂」，墨爾本城與珀斯光輝男女子隊同場交手，其中澳職墨爾本城對珀斯光輝，主隊墨城踢法保守，近6場全開2球或以下；光輝攻力疲弱，作客就更難入波，今場唔慌多波入，首選2.5球入球細。（無綫myTV SUPER周日下午4時直播）文:邪神

墨爾本城踢法以控傳為主，着重中場組織，進攻依靠20歲澳洲本土新星卡普托數胡，這位澳洲U20代表今季各項賽事攻入6球，至於交出4次助攻的右閘安達斯古恩亦舉足輕重。不過墨城近期狀態一般，近7場僅得2勝3和2負，包括早前「墨爾本打吡」敗陣，上輪主場對FC麥克阿瑟，亦只能打和1比1，今場就算贏波亦可能僅勝。

珀斯光輝早前經歷3連勝後再度轉沉，近期主場錄得2連敗，對FC悉尼及阿德萊德聯都係輸0比1，光輝最大問題係進攻效率甚低，開季至今僅攻入7球，當中兩位前鋒湯馬士羅倫斯同阿當泰加特都只係入得1球咁大把，預料今場亦難有作為，捧入球細穩陣。

女墨城托弗有鑊氣
至於較早時間開賽嘅墨爾本城女足對珀斯光輝女足，上季常規賽冠軍墨城女足表現對辦，今季5戰得10分排第4，連同女子亞冠盃，各項賽事近7場6勝1負，今仗贏面高唱入雲；珀斯光輝女足今季已踢7場，僅得3勝4負，包括作客3連敗，今仗作客凶多吉少，墨城女足讓球主勝（-2）要得過。（周日下午1時15分開賽）