歐聯：錘仔主場穩受讓有遜心_東方日報 -宝典体育

返回开启护眼

歐聯：錘仔主場穩受讓有遜心_東方日報

来源：网络时间-04-19 10:00

利華古遜首奪德甲冠軍後，今晚喺歐霸盃出擊作客韋斯咸。利華首回合領先2比0，今場大可睇定嚟食，甚至唔使贏波；韋斯咸今屆歐霸盃4次主場全勝，水準穩定，有得受讓一於捧讓球主勝。
（Now 644周五凌晨3時直播）

利華手握兩粒唔使搶攻
利華啱啱打破拜仁慕尼黑壟斷，提前5輪喺德甲封王，亦係球會成立120年來首個頂級聯賽錦標。球隊今季喺沙比阿朗素帶領下，至今係5大聯賽唯一不敗之師。既然最大目標已經達成，球隊上下稍稍放鬆亦屬人之常情，何況佢哋首回合有兩球喺手，今場唔輸就足以晉級，作客要讓波存有風險。

韋斯咸上場聯賽吞富咸兩蛋，明顯為今仗留力，可惜查洛保雲有傷在身，盧卡斯柏基達同艾馬臣柏美尼雙雙停賽，只能殘陣出擊。不過咪睇小「錘仔幫」主場威力，去年11月至今17次主場出擊僅逢兩敗，單計歐霸盃4次主場全部贏晒，包括16強大炒另一德甲兵弗賴堡5蛋，受讓更值博。

上一篇: 歐聯：阿特蘭大先下手為強_東方日報

下一篇: 馬高：阿仙奴衰開有條路_星島日報