阿甲2支老牌球隊交鋒，沙士菲主場迎戰獨立隊，次階段聯賽開季後，雙方同樣2戰2勝，實力及狀態不相伯仲，甚至主客和賠率都甚為接近，可見屬於五五波，勝負難料。參考兩隊近11次對賽有8次總入球開2球或以下，最好博2.5球入球細。（HOY TV 76周二早上5時58分直播）文:Mic少

對賽戰況往往膠着
沙士菲繼首輪贏科爾多瓦學院1比0之後，上仗落後之下艱辛反勝泰拿尼斯3比1，驚險保持連勝走勢；吸取教訓之後，今仗應該會打醒十二分精神，避免先失波再陷入苦戰。尤其係遇上勁敵獨立隊，防線將面臨沉重壓力，預料教練舒洛圖應會採取保守踢法，防止遭對手突襲。

至於獨立隊表現四平八穩，近2場分別贏學生隊2比0，小勝紐維爾舊生1比0，3個入波都同中場辛迪亞高蒙迪爾有關，包括射入2球及1次助攻，表現相當勇猛，但同時勢必成為對手沙士菲嚴密看管目標，今仗未必可以再次予取予求。事實上，雙方過往交鋒，戰局經常陷入膠着，近11次交手有5次打和，難怪今場和波賠率熱到只有2.86倍，沙士菲主勝2.46倍，獨立隊客勝2.66倍，賠率已反映兩隊勢均力敵，玩細盤比較穩陣。